lips Srugery ဆိုတာဘာလဲ
- ဆိုတာက သင့်နှုတ်ခမ်းပုံသဏ္ဍာန်ကို ပြန်လည်ပုံဖော်ပေးခြင်း(သို့မဟုတ်) သင့်နှုတ်ခမ်းအား ပုံစံကြအောင်ပြန်လည်ပြုလုပ်ပေးသော ခွဲစိတ်မှုတစ်မျိုးဖြစ်ပါသည်၊
ခွဲစိတ်မှုခံယူရန် ဘယ်လိုကြိုတင်ပြင်ဆင်ရမလဲ
- မခွဲစိတ်မီတွင် စွဲသောက်နေသော ဆေးများ ရှိလျှင် ဆရာဝန်ကြီးကို ပြောပြရပါမည်။
- မတည့်သောဆေးများ ရှိခဲ့ဖူးလျှင် လာရောက်ဆွေးနွေးချိန်တွင် ပြောပြရပါ မည်။
- သွေးတိုး၊ ဆီးချိုစသော ရောဂါများ ရှိပါ က ခွဲစိတ်ဆရာဝန်ကြီးအား ပြောကြား ပြီး လိုအပ်သော ဆေးဝါးများ ကြိုတင် မှီဝဲရပါမည်။
ဘယ်သူတွေ lip surgery လုပ်နိုင်ပါသလဲ
- မွေးရာပါ နှုတ်ခမ်းထူလွန်းသူ
- အပေါ်အောက်နှုတ်ခမ်း လှပသည့် အချိုး ရလိုသူများ
- Heart Shape (or) Bow Shape နှုတ်ခမ်း ပုံဖော်လိုသူများ
- အတွင်းသားနှုတ်ခမ်း လန်ထွက်နေသူများ
- နှုတ်ခမ်း ဘယ်၊ ညာ မညီသူများ
- မီးလောင်ရာ၊ ထိခိုက်မိရာ စသော အကြောင်း အမျိုးမျိုးကြောင့် နှုတ်ခမ်းပုံပျက်သွားသူများ
ခွဲစိတ်ပုံ
- နှုတ်ခမ်းနှစ်ဖက်ညီအောင် (သို့မဟုတ်) ကိုယ် လိုချင်သည့် ပုံစံရအောင် ခွဲရသည့်အတွက် ခွဲပုံခွဲနည်းမှာ တစ်ယောက် နှင့် တစ်ယောက် ကွာခြားမှု ရှိပါသည်။
ကုသပုံအဆင့်ဆင့်
- ခွဲစိတ်ဆရာဝန်ကြီးနှင့် တွေ့ဆုံ ဆွေးနွေးခြင်း
- ခွဲခန်းမဝင်မီ လိုအပ်သော ဆေး စစ်ဆေးမှုများ စစ်ဆေးခြင်း
- လိုချင်သည့် နှုတ်ခမ်းပုံရအောင် marking line ဆွဲပေးခြင်း
- ထုံဆေးပေးပြီး ခွဲစိတ်ခြင်း စသည် ဖြင့် အဆင့်ဆင့် ပြုလုပ်ပါသည်။
အကျိုးအာနိသင် ဘယ်အချိန်တွင် ရနိုင်ပါသလဲ
- ခွဲစိတ်ပြီး (၁)ပတ်တွင် ချုပ်ရိုးကျက်ပါ သည်။ လိုချင်သော နှုတ်ခမ်းပုံလေးရရန် (၁)လ မှ (၃)လ အချိန် လိုအပ်ပါသည်။
ဆောင်ရန်၊ ရှောင်ရန်အချက်များ
- ခွဲစိတ်ပြီးပြီးချင်းတွင် နှုတ်ခမ်းများ ရောင်ရမ်း နေပါမည်။ နှုတ်ခမ်းကို (၂) နာရီခြား ရေခဲ အုပ်ပေးခြင်းကို (၃)ရက်မှ (၁)ပတ်အထိ လုပ်ပေးရပါမည်။
- အပူ၊ အစပ်၊ အမာ၊ အငန်စာများ (၁)ပတ် ရှောင်ရပါမည်။
- ဆားရည် (သို့) mouth wash ဖြင့် ပလုတ်ကျင်း နိုင်သည်။
- (၁)ပတ်ကြာမှ သွားစတိုက်ရပါမည်။
- ချုပ်ရိုးပျယ်သွားခြင်း၊ အချိန်ကြာမြင့်စွာ အနာမကျက်ခြင်း စသည့်ဖြင့် ဆိုးကျိုးများ ကြုံတွေ့လာလျှင် ဆရာဝန်နှင့် ပြန်လည် လာရောက် တွေ့ဆုံ ကုသမှုခံယူရပါမည်။
